«Талбан» биэриигэ орто анал үөрэх кыһатын бүтэрбиттэри үлэнэн хааччыйыы туһунан кэпсэттилэр

Алтынньы 11 күнүгэр орто анал үөрэх кыһатын бүтэрбиттэри үлэнэн хааччыйыы туһунан «Талбан» биэриигэ кэпсэттилэр. 

Күн бүгүн Саха сирин үрдүнэн 42 орто анал үөрэх кыһата баар, онно 25 тыһыынча кэриҥэ устудьуон үөрэнэр. Ол иһигэр киин куоракка 19 орто анал үөрэх тэрилтэтэ үлэлиир. Бу үөрэх кыһаларыттан сыл аайы алта тыһыынча эдэр исписэлиис иитиллэн тахсар. Биэриигэ идэ стандартын, инньики күөҥҥэ сылдьар технологияларынан үөрэх хаачыстыбатын үрдэтэр кыах туһунан, үлэ биэрээччини кытта үлэ хайдах барарын уонна да атын ыйытыыларга сыһыаннаах этиилэри, элбэх санааны ырыттылар.

Кэпсэтиигэ кыттыыны ыллылар:
Степан Степанов, СӨ Үөрэххэ уонна билимҥэ министиэристибэтин билим эйгэтигэр, идэҕэ үөрэтиигэ уонна тус сыаллаах бэлэмнээһиҥҥэ судаарыстыбаннай бэлиитикэ департаменын кылаабынай исписэлииһэ;
Дмитрий Алексеев, Дьокуускайдааҕы медицина колледжын дириэктэрэ;
Евгений Попов, Дьокуускайдааҕы коммунальнай тутуу техникумун дириэктэрин производственнай үөрэхтээһиҥҥэ солбуйааччыта;
Егор Неустроев, орто анал үөрэхтээһин ситимин бэтэрээнэ;
Иван Алексеев, Н.Г. Чернышевскай аатынан Бүлүүтээҕи профессиональнай педагогическай колледж дириэктэрэ;
Василий Гуляев, Чурапчытааҕы аграрнай техническэй колледж дириэктэрэ;
Миралюба Семенова, И.Е. Винокуров аатынан Намнааҕы педагогическай колледж дириэктэрин үөрэххэ солбуйааччыта.

Сиһилии видеоҕа көрүҥ: https://www.youtube.com/watch?v=DwkdFRcsgU0 

Мы используем cookie-файлы для наилучшего представления нашего сайта. Продолжая использовать этот сайт, вы соглашаетесь с использованием cookie-файлов.
Принять
Политика конфиденциальности